ಸ್ಕೋಡಾ ಆಟೋ ಇಂಡಿಯಾದಿಂದ ಹೊಸ “ಈಸಿ ಟು ಲವ್” ಕುಶಾಕ್ ಬಿಡುಗಡೆ

ಚಾಲನಾ ಅನುಭವ ಮತ್ತು ಸುರಕ್ಷತೆಯಲ್ಲಿ ಮುಂಚೂಣಿಯಲ್ಲಿರುವ ಸ್ಕೋಡಾ, ಭಾರತೀಯ ಮಾರುಕಟ್ಟೆಯಲ್ಲಿ ಗ್ರಾಹಕರಿಗಾಗಿ ಹೊಸ ಮಾನದಂಡ

ಮೌಲ್ಯ ಮತ್ತು ಹೆಮ್ಮೆಯ ಮಾಲೀಕತ್ವ: ಹೊಚ್ಚಹೊಸ ಮುಂಭಾಗ ಮತ್ತು ಹಿಂಭಾಗದ ವಿನ್ಯಾಸದೊಂದಿಗೆ Kushaq ಈಗ ಮತ್ತಷ್ಟು ಆಕರ್ಷಕ. ಎಲ್ಲಾ ಮಾದರಿಗಳಲ್ಲೂ ರಿಯಲ್ ಟರ್ಬೊ-ಚಾರ್ಜ್ಡ್ ಆಟೋಮ್ಯಾಟಿಕ್ ಎಂಜಿನ್ ಸೌಲಭ್ಯವಿದೆ. ಇದರೊಂದಿಗೆ LED ಹೆಡ್‌ಲ್ಯಾಂಪ್‌ಗಳು ಮತ್ತು ಟೈಲ್‌ಲ್ಯಾಂಪ್‌ಗಳು, ಸೀಕ್ವೆನ್ಶಿಯಲ್ ರಿಯರ್ ಟರ್ನ್ ಇಂಡಿಕೇಟರ್‌ಗಳು, ಅಲಾಯ್ ವೀಲ್ಸ್, ಎಲೆಕ್ಟ್ರಿಕ್ ಸನ್‌ರೂಫ್, ಕ್ಲೈಮ್ಯಾಟ್ರಾನಿಕ್ ಆಟೋ AC, ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಮತ್ತು ‘Škoda ಸೂಪರ್ ಕೇರ್’ನಂತಹ ಅತ್ಯಾಧುನಿಕ ಫೀಚರ್‌ಗಳನ್ನು ಸ್ಟ್ಯಾಂಡರ್ಡ್ ಆಗಿ ನೀಡಲಾಗುತ್ತಿದೆ.
ಅಪ್ರತಿಮ ಸುರಕ್ಷತೆ: ಗ್ಲೋಬಲ್ NCAP ನಿಂದ 5-ಸ್ಟಾರ್ ಸುರಕ್ಷತಾ ರೇಟಿಂಗ್ ಪಡೆದಿರುವ ಇದು, ಈಗ 40ಕ್ಕೂ ಹೆಚ್ಚು ಸುರಕ್ಷತಾ ಫೀಚರ್‌ಗಳನ್ನು ಹೊಂದಿದೆ. ಮಳೆ ಪತ್ತೆಹಚ್ಚುವ ವೈಪರ್‌ಗಳು, ರಿಯರ್ ವೈಪರ್ ಮತ್ತು ಡಿಫಾಗರ್ ಹಾಗೂ ಆಟೋ IRVM ಸ್ಟ್ಯಾಂಡರ್ಡ್ ಆಗಿ ಲಭ್ಯವಿದೆ ಹೊಸ Kushaq Classic+ ಆರಂಭಿಕ ಹಂತದ ಮಾದರಿಯಲ್ಲೇ ಹತ್ತು ಹಲವು ಫೀಚರ್‌ಗಳನ್ನು ನೀಡುವ ಮೂಲಕ ಮಾರುಕಟ್ಟೆಯಲ್ಲಿ ಹೊಸ ಸಂಚಲನ ಮೂಡಿಸಿದೆ.

ಈ ವಿಭಾಗದಲ್ಲೇ ಮೊದಲ ಬಾರಿಗೆ, ಬೇಸ್ ವೇರಿಯಂಟ್‌ನಿಂದಲೇ 8-ಸ್ಪೀಡ್ ಟಾರ್ಕ್ ಕನ್ವರ್ಟರ್ ಆಟೋಮ್ಯಾಟಿಕ್ ಗೇರ್‌ಬಾಕ್ಸ್ ಸೌಲಭ್ಯ ಲಭ್ಯವಿದೆ
ಸೆಗ್ಮೆಂಟ್‌ನಲ್ಲೇ ಮೊದಲ ಬಾರಿಗೆ ಪರಿಚಯಿಸಲಾದ ರಿಯರ್ ಸೀಟ್ ಮಸಾಜರ್ ಸೌಲಭ್ಯವು ಪ್ರಯಾಣದ ಅನುಭವವನ್ನು ಮತ್ತಷ್ಟು ಸುಖಕರವಾಗಿಸುತ್ತದೆ
ಹೊಸ Kushaq 1.0 TSI ಸರಣಿಯು ₹ 10,69,000 ದರದಿಂದ ಆರಂಭವಾಗಲಿದೆ.

1.5 TSI Prestige ಮತ್ತು Monte Carlo ಟಾಪ್-ಎಂಡ್ ಮಾದರಿಗಳಲ್ಲಿ ಆಲ್-ವೀಲ್ ಡಿಸ್ಕ್ ಬ್ರೇಕ್‌ಗಳು, ಪ್ಯಾನೋರಮಿಕ್ ಸನ್‌ರೂಫ್ ಮತ್ತು 26.03 ಸೆಂ.ಮೀ ವರ್ಚುವಲ್ ಕಾಕ್‌ಪಿಟ್‌ನಂತಹ ಐಷಾರಾಮಿ ಫೀಚರ್‌ಗಳಿವೆ.

ಕಾರ್ಯಕ್ಷಮತೆಯ ಪ್ರೇಮಿಗಳಿಗಾಗಿ, ಹೆಚ್ಚು ಪ್ರಶಂಸಿಸಲ್ಪಟ್ಟ ಏಳು-ಸ್ಪೀಡ್ DSG ಹೊಂದಿರುವ ಹೊಸ Kushaq 1.5 TSI ಈಗ ₹ 18,79,000 ದರದಿಂದ ಲಭ್ಯವಿದೆ.

‘ಯು ನೆವರ್ ಡ್ರೈವ್ ಅಲೋನ್’ ಎಂಬ ಭರವಸೆಯನ್ನು 183ಕ್ಕೂ ಹೆಚ್ಚು ನಗರಗಳ 325 ಸಂಪರ್ಕ ಕೇಂದ್ರಗಳ ಮೂಲಕ ತಲುಪಿಸಲಾಗುತ್ತಿದೆ.

ಹುಬ್ಬಳ್ಳಿ: ಸ್ಕೋಡಾ ಆಟೋ ಇಂಡಿಯಾ ಸಂಸ್ಥೆಯು ನವೀಕೃತಗೊಂಡ ಹೊಸ Kushaq ದರಗಳನ್ನು ಪ್ರಕಟಿಸಿದ್ದು, ಗ್ರಾಹಕರಿಗೆ ವಿತರಣೆ ಪ್ರಕ್ರಿಯೆಯನ್ನು ಅಧಿಕೃತವಾಗಿ ಆರಂಭಿಸಿದೆ. ಈ ವರ್ಷದ ಜನವರಿಯಲ್ಲಿ ಅನಾವರಣಗೊಂಡ ಹೊಸ Kushaq, ಮೌಲ್ಯ, ಸುರಕ್ಷತೆ ಮತ್ತು ಚಾಲನಾ ಅನುಭವದ ವಿಷಯದಲ್ಲಿ ಹೊಸ ಮೈಲಿಗಲ್ಲು ಸ್ಥಾಪಿಸಿದೆ. ಅಲ್ಲದೆ, ಯುರೋಪಿಯನ್ ತಂತ್ರಜ್ಞಾನವನ್ನು ಎಲ್ಲಾ ಶ್ರೇಣಿಯ ಗ್ರಾಹಕರಿಗೂ ಸುಲಭವಾಗಿ ತಲುಪಿಸುವ ಬ್ರ್ಯಾಂಡ್‌ನ ಆಶಯವನ್ನು ಇದು ಮುಂದುವರಿಸಿದೆ. ಸೆಗ್ಮೆಂಟ್‌ನಲ್ಲೇ ಮೊದಲ ಬಾರಿಗೆ ಪರಿಚಯಿಸಲಾದ ಎಂಟು-ಸ್ಪೀಡ್ ಟಾರ್ಕ್ ಕನ್ವರ್ಟರ್ ಆಟೋಮ್ಯಾಟಿಕ್ ಟ್ರಾನ್ಸ್‌ಮಿಷನ್, ರಿಯರ್ ಸೀಟ್ ಮಸಾಜರ್ ಮತ್ತು ಹಲವಾರು ಹೊಸ ವೈಶಿಷ್ಟ್ಯಗಳೊಂದಿಗೆ ಸಜ್ಜುಗೊಂಡಿರುವ ಹೊಸ Kushaq 1.0 TSI ಮತ್ತು 1.5 TSI ಮಾದರಿಗಳು, ಯುರೋಪಿಯನ್ ಎಂಜಿನಿಯರಿಂಗ್ ಹಾಗೂ 5-ಸ್ಟಾರ್ ಸುರಕ್ಷತೆಯನ್ನು ಭಾರತೀಯ ರಸ್ತೆಗಳಿಗೆ ಇನ್ನಷ್ಟು ಹತ್ತಿರವಾಗಿಸುವ ಸ್ಕೋಡಾ ಆಟೋ ಇಂಡಿಯಾ ದ ಗುರಿಯನ್ನು ಪ್ರತಿಬಿಂಬಿಸುತ್ತವೆ. ಹೊಸ Kushaq ಐದು ವಿಭಿನ್ನ ಟ್ರಿಮ್‌ಗಳಲ್ಲಿ ಲಭ್ಯವಿದೆ: Classic+, Signature, Sportline, Prestige ಮತ್ತು Monte Carlo. ಇವುಗಳಲ್ಲಿ ಮ್ಯಾನುಯಲ್ ಮತ್ತು ರಿಯಲ್ ಆಟೋಮ್ಯಾಟಿಕ್ ಟ್ರಾನ್ಸ್‌ಮಿಷನ್ ಆಯ್ಕೆಗಳೊಂದಿಗೆ ಟರ್ಬೋಚಾರ್ಜ್ಡ್ ಪೆಟ್ರೋಲ್ ಎಂಜಿನ್‌ಗಳನ್ನು ನೀಡಲಾಗಿದೆ. ಗ್ರಾಹಕರು ಎಂಟು ಬಣ್ಣಗಳ ಆಯ್ಕೆಯನ್ನು ಹೊಂದಿದ್ದಾರೆ – ಕ್ಯಾಂಡಿ ವೈಟ್, ಕಾರ್ಬನ್ ಸ್ಟೀಲ್, ಬ್ರಿಲಿಯಂಟ್ ಸಿಲ್ವರ್, ಲಾವಾ ಬ್ಲೂ ಮತ್ತು ಡೀಪ್ ಬ್ಲಾಕ್. ಇವುಗಳ ಜೊತೆಗೆ ಮೂರು ಹೊಚ್ಚಹೊಸ ಬಣ್ಣಗಳಾದ ಶಿಮ್ಲಾ ಗ್ರೀನ್, ಸ್ಟೀಲ್ ಗ್ರೇ ಮತ್ತು ಚೆರ್ರಿ ರೆಡ್ ಕೂಡ ಲಭ್ಯವಿವೆ.

ಸ್ಕೋಡಾ ಆಟೋ ಇಂಡಿಯಾ ಬ್ರ್ಯಾಂಡ್ ಡೈರೆಕ್ಟರ್ ಆಶಿಶ್ ಗುಪ್ತಾ ಅವರು ಮಾತನಾಡಿ, “ಸ್ಕೋಡಾ ಆಟೋ ಇಂಡಿಯಾದಲ್ಲಿ ನಮ್ಮ ಗಮನವು ಯುರೋಪಿಯನ್ ತಂತ್ರಜ್ಞಾನವನ್ನು ಸಾಮಾನ್ಯ ಜನರಿಗೂ ತಲುಪಿಸುವ ಕಡೆಗಿದೆ. ಹೊಸ Kushaq ಮೂಲಕ ನಾವು ಮೌಲ್ಯಕ್ಕೆ ಹೊಸ ವ್ಯಾಖ್ಯಾನ ನೀಡಿದ್ದೇವೆ. ಸ್ಪರ್ಧಾತ್ಮಕ ಬೆಲೆ, ಸುಧಾರಿತ ಸುರಕ್ಷತಾ ಫೀಚರ್‌ಗಳು ಮತ್ತು ಸರ್ವತೋಮುಖ ಕಾರ್ಯಕ್ಷಮತೆಯ ಮೂಲಕ ಹೊಸ Kushaq ಮುಂಚೂಣಿಯಲ್ಲಿದೆ. ಈ ವಿಭಾಗದಲ್ಲೇ ಮೊದಲ ಬಾರಿಗೆ ಪರಿಚಯಿಸಲಾದ ಎಂಟು-ಸ್ಪೀಡ್ ಆಟೋಮ್ಯಾಟಿಕ್ ಗೇರ್‌ಬಾಕ್ಸ್, ರಿಯರ್ ಸೀಟ್ ಮಸಾಜರ್ ಮತ್ತು ಅಗತ್ಯ ಫೀಚರ್‌ಗಳನ್ನು ಆರಂಭಿಕ ಮಾದರಿಯಲ್ಲೇ ಪ್ರಮಾಣೀಕರಿಸಿರುವುದು ಅದ್ಭುತ ಮೌಲ್ಯವನ್ನು ನೀಡುತ್ತದೆ. ಪ್ರತಿ Škoda ಕಾರಿನಂತೆ, ಹೊಸ Kushaq ಕೂಡ ಅತ್ಯುತ್ತಮ ಸುರಕ್ಷತೆ, ಅಪ್ರತಿಮ ಚಾಲನಾ ಅನುಭವ ಮತ್ತು ಹೆಮ್ಮೆಯ ಮಾಲೀಕತ್ವದ ಭರವಸೆಯನ್ನು ನೀಡುತ್ತದೆ,” ಎಂದು ತಿಳಿಸಿದರು.

ಹೊಸ Kushaq 1.0 TSI:
ಹೊಸ Kushaq ತನ್ನ ಸಾಬೀತಾದ ಮತ್ತು ವಿಶೇಷವಾದ ಟರ್ಬೋಚಾರ್ಜ್ಡ್ ಪೆಟ್ರೋಲ್ ಎಂಜಿನ್ ಶ್ರೇಣಿಯನ್ನು ಮುಂದುವರಿಸಿದೆ. Kushaq 1.0 TSI ಮಾದರಿಯು ಆರು-ಸ್ಪೀಡ್ ಮ್ಯಾನುಯಲ್ ಮತ್ತು ಈ ವಿಭಾಗದಲ್ಲೇ ಮೊದಲ ಬಾರಿಗೆ ಪರಿಚಯಿಸಲಾದ ಎಂಟು-ಸ್ಪೀಡ್ ಟಾರ್ಕ್ ಕನ್ವರ್ಟರ್ ಆಯ್ಕೆಯನ್ನು ಹೊಂದಿದ್ದು, ಚಾಲನಾ ಅನುಭವವನ್ನೇ ಬದಲಾಯಿಸಲಿದೆ. ಈ SUV ತನ್ನ ಟರ್ಬೋಚಾರ್ಜ್ಡ್‌ ಇಂಜಿನ್‌ನಿಂದ 85 kW ಪವರ್ ಮತ್ತು 178 Nm ಟಾರ್ಕ್ ಉತ್ಪಾದಿಸುತ್ತದೆ. 1.0 TSI ಮ್ಯಾನುಯಲ್ ಮಾದರಿಯು 19.66 ಕಿಮೀ/ಲೀಟರ್ (ARAI) ಮತ್ತು 8-ಸ್ಪೀಡ್ ಆಟೋಮ್ಯಾಟಿಕ್ ಮಾದರಿಯು 19.09 ಕಿಮೀ/ಲೀಟರ್ (ARAI) ಇಂಧನ ದಕ್ಷತೆಯನ್ನು ನೀಡುತ್ತದೆ.

ಹೊಸ Kushaq 1.5 TSI:
ಹೆಚ್ಚಿನ ಕಾರ್ಯಕ್ಷಮತೆಯನ್ನು ಬಯಸುವ ಗ್ರಾಹಕರಿಗಾಗಿ 1.5 TSI ಎಂಜಿನ್ ಸಿದ್ಧವಾಗಿದ್ದು, ಇದು 110 kW ಪವರ್ ಮತ್ತು 250 Nm ಟಾರ್ಕ್ ನೀಡುತ್ತದೆ. ಇದು ಕೇವಲ ಏಳು-ಸ್ಪೀಡ್ DSG ಆಟೋಮ್ಯಾಟಿಕ್ ಟ್ರಾನ್ಸ್‌ಮಿಷನ್‌ನೊಂದಿಗೆ ಲಭ್ಯವಿದೆ. ಹೊಸ Kushaq 1.5 TSI ನ ನಾಲ್ಕೂ ಚಕ್ರಗಳಿಗೆ ಡಿಸ್ಕ್ ಬ್ರೇಕ್‌ಗಳನ್ನು ನೀಡಲಾಗಿದ್ದು, Monte Carlo ಮಾದರಿಯು ಆಕರ್ಷಕ ಕೆಂಪು ಬಣ್ಣದ ಬ್ರೇಕ್ ಕ್ಯಾಲಿಪರ್‌ಗಳನ್ನು ಹೊಂದಿದೆ. 1.5 TSI DSG ಮಾದರಿಯು 18.72 ಕಿಮೀ/ಲೀಟರ್ (ARAI) ಇಂಧನ ದಕ್ಷತೆಯನ್ನು ನೀಡುತ್ತದೆ. ಕ್ರೂಸಿಂಗ್ ಮೋಡ್‌ನಲ್ಲಿರುವಾಗ ಎರಡು ಸಿಲಿಂಡರ್‌ಗಳನ್ನು ಆಫ್ ಮಾಡುವ ‘ಆಕ್ಟಿವ್ ಸಿಲಿಂಡರ್ ಟೆಕ್ನಾಲಜಿ’ಯನ್ನು ಇದು ಹೊಂದಿದ್ದು, 1.5 TSI ತಂತ್ರಜ್ಞಾನದ ಅದ್ಭುತವಾಗಿದೆ. ಇದು ಹೊಸ Kushaq 1.5 TSI ಮಾದರಿಯು ಇಂಧನ ದಕ್ಷತೆಯನ್ನು ಕಳೆದುಕೊಳ್ಳದೆ, ವಾಹನ ಪ್ರೇಮಿಗಳು ಬಯಸುವಂತಹ ಅದ್ಭುತ ಕಾರ್ಯಕ್ಷಮತೆ, ಪವರ್ ಮತ್ತು ಟಾರ್ಕ್ ನೀಡುವ ತನ್ನ ಪರಂಪರೆಯನ್ನು ಮುಂದುವರಿಸುವುದನ್ನು ಖಚಿತಪಡಿಸುತ್ತದೆ.

ಸುಲಭ ಮಾಲೀಕತ್ವದ ಭರವಸೆ: Škoda ಸೂಪರ್ ಕೇರ್ ಹೊಸ Kushaq, ಗ್ರಾಹಕರಿಗೆ ಯಾವುದೇ ತೊಂದರೆಯಿಲ್ಲದ ಮಾಲೀಕತ್ವದ ಅನುಭವವನ್ನು ನೀಡುವ ಸ್ಕೋಡಾ ಆಟೋ ಇಂಡಿಯಾದ ತತ್ವವನ್ನು ಮುಂದುವರಿಸಿದೆ. ಇದರಲ್ಲಿ ಈಗ ‘Škoda ಸೂಪರ್ ಕೇರ್’ ಇದೆ: 4 ವರ್ಷಗಳು ಅಥವಾ 1,00,000 ಕಿಲೋಮೀಟರ್‌ಗಳ ಸ್ಟ್ಯಾಂಡರ್ಡ್ ವಾರೆಂಟಿ, 4 ವರ್ಷಗಳ ಕಾಲ ರಸ್ತೆಬದಿಯ ನೆರವು (RSA), ಇದು ದೀರ್ಘಕಾಲದವರೆಗೆ ನಿಮಗೆ ನೆಮ್ಮದಿಯನ್ನು ನೀಡುತ್ತದೆ. ಇದರ ಜೊತೆಗೆ, ಗ್ರಾಹಕರು ಎರಡು ವರ್ಷಗಳವರೆಗೆ ಅಥವಾ 30,000 ಕಿಲೋಮೀಟರ್‌ಗಳವರೆಗೆ ನಾಲ್ಕು ಲೇಬರ್-ಫ್ರೀ ಸರ್ವಿಸ್‌ಗಳ ಪ್ರಯೋಜನವನ್ನು ಪಡೆಯಬಹುದು. ವಾರೆಂಟಿಯನ್ನು ಎಂಟನೇ ವರ್ಷದವರೆಗೆ ಶುಲ್ಕ ಪಾವತಿಸಿ ವಿಸ್ತರಿಸಿಕೊಳ್ಳುವ ಅವಕಾಶವಿದೆ. ಇದರೊಂದಿಗೆ ಆರು ವರ್ಷಗಳ ತುಕ್ಕು ನಿರೋಧಕ ವಾರೆಂಟಿ ಮತ್ತು ಮೂರು ವರ್ಷಗಳ ಪೇಂಟ್ ವಾರೆಂಟಿಯನ್ನು ಸಹ ನೀಡಲಾಗುತ್ತದೆ.