ಮುಂಡಗೋಡ–ಹುಬ್ಬಳ್ಳಿ ಮಾರ್ಗ ಕತ್ತಲಲ್ಲಿ ಕಳ್ಳರ ಸುತ್ತಾಟ — ಎಚ್ಚರಿಕೆಯಿಂದಿರಿ!

ಮುಂಡಗೋಡ: ಮಧ್ಯರಾತ್ರಿ ಹೆದ್ದಾರಿಯಲ್ಲಿ ಓಡುತ್ತಿದ್ದೀರಿ ಎಂದುಕೊಂಡಾಗಲೇ ಏಕಾಏಕಿ ಮುಂದೆ ಒಂದು ರೆಡ್ ಕಾರ್ ನಿಲ್ಲುತ್ತದೆ… ಒಳಗಿನಿಂದ ಇಬ್ಬರು ಹೊರಗೆ ಇಳಿಯುತ್ತಾರೆ, “ಸಾರ್, ಸ್ವಲ್ಪ ಮಾಹಿತಿ ಕೊಡ್ತೀರಾ?” ಅಥವಾ “ಡ್ರಾಪ್ ಸಿಗತ್ತಾ?” ಎಂದು ಕೇಳುತ್ತಾರೆ… ಆದರೆ ಕೆಲವೇ ಕ್ಷಣಗಳಲ್ಲಿ ಅವರು ಕಳ್ಳರು ಎಂಬುದು ಅರಿವಾಗುತ್ತದೆ! 😨
ಇಂತಹ ಘಟನೆಗಳು ಈಗ ಮುಂಡಗೋಡ–ಹುಬ್ಬಳ್ಳಿ ಮಾರ್ಗದಲ್ಲಿ ಹಾವಳಿ ನಡೆಸುತ್ತಿವೆ.
ಹಾವೇರಿ ಜಿಲ್ಲೆಯ ಶಿಗ್ಗಾಂವ ತಾಲೂಕಿನ ತಡಸ ಬಳಿಯ ಹೆದ್ದಾರಿಯಲ್ಲಿ ಸಂಚರಿಸುತ್ತಿರುವ ವಾಹನ ಸವಾರರು ಕಳ್ಳರ ಹೊಸ ತಂತ್ರದಿಂದ ತತ್ತರಿಸಿದ್ದಾರೆ.
ಸ್ಥಳೀಯರ ಹೇಳಿಕೆ ಪ್ರಕಾರ, ರೆಡ್ ಸ್ವಿಫ್ಟ್ ಕಾರಿನಲ್ಲಿ ನಾಲ್ವರು ಕಳ್ಳರು ಸಂಚರಿಸುತ್ತಿದ್ದು,
ರಸ್ತೆಯ ಕತ್ತಲೆ ಭಾಗಗಳಲ್ಲಿ, ಹಾಳಾದ ದಾರಿಯ ಬಳಿ ವಾಹನಗಳನ್ನು ನಿಲ್ಲಿಸುತ್ತಿದ್ದಾರೆ.
“ಕಾರ್ ಹಾಳಾಗಿದೆ”, “ರಸ್ತೆ ಎಲ್ಲಿಗೆ ಹೋಗುತ್ತದೆ?” ಎಂಬ ನೆಪದಲ್ಲಿ ನಿಲ್ಲಿಸಿ ಮೊಬೈಲ್, ಹಣ, ಚೈನ್, ಮತ್ತು ಬೆಲೆಬಾಳುವ ವಸ್ತುಗಳನ್ನು ದೋಚುತ್ತಿದ್ದಾರೆ ಎಂದು ಆರೋಪಿಸಲಾಗಿದೆ.
ಒಬ್ಬ ಸ್ಥಳೀಯ ಸವಾರ ಹೇಳುವಂತೆ —
“ಕತ್ತಲಲ್ಲಿ ಕಾರು ಹತ್ತಿರ ಬಂದು ನಿಂತಿತು, ಮಾತು ಪ್ರಾರಂಭವಾಗುವಷ್ಟರಲ್ಲಿ ಕಳ್ಳರು ನನ್ನ ಮೊಬೈಲ್ ಕಸಿದು ಓಡಿಹೋದರು!”
ಈ ರೆಡ್ ಸ್ವಿಫ್ಟ್ ಕಾರ್‌ನಲ್ಲಿ ಇಬ್ಬರು ಒಳಗೆ ಕುಳಿತಿರುತ್ತಾರೆ, ಇನ್ನಿಬ್ಬರು ಹೊರಗೆ ನಿಂತು ವಾಹನ ತಡೆದ ಬಳಿಕ ದರೋಡೆ ನಡೆಸುವ ಪಕ್ಕಾ ಪ್ಲಾನ್‌ನಂತೆ ವರ್ತಿಸುತ್ತಿದ್ದಾರೆ ಎನ್ನಲಾಗಿದೆ.
ಈ ಕುರಿತು ಈಗಾಗಲೇ ಹಲವು ವಾಹನ ಸವಾರರು ತಮ್ಮ ವಾಟ್ಸಪ್ ಗ್ರೂಪ್‌ಗಳಲ್ಲಿ ಎಚ್ಚರಿಕೆ ಸಂದೇಶ ಹಂಚಿಕೊಂಡಿದ್ದು,
“ರಾತ್ರಿ ಹೊತ್ತು ತಡಸ ಭಾಗದಲ್ಲಿ ರೆಡ್ ಕಾರ್ ಕಂಡರೆ ತಕ್ಷಣ ಅಲರ್ಟ್ ಆಗಿ, ನಿಲ್ಲಬೇಡಿ” ಎಂಬ ಸೂಚನೆ ನೀಡಲಾಗಿದೆ.
ಪೊಲೀಸರು ಈ ಕುರಿತು ತನಿಖೆ ಕೈಗೊಂಡಿದ್ದು, ಶಿಗ್ಗಾಂವ ಮತ್ತು ಮುಂಡಗೋಡ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಪೆಟ್ರೋಲಿಂಗ್ ಬಿಗಿಗೊಳಿಸಲಾಗಿದೆ.
ಅಧಿಕಾರಿಗಳು ಜನರನ್ನು ಎಚ್ಚರಿಕೆ ವಹಿಸಲು ಹಾಗೂ ಅನುಮಾನಾಸ್ಪದ ಕಾರುಗಳು ಕಂಡುಬಂದರೆ ತಕ್ಷಣ ಪೊಲೀಸರಿಗೆ ಮಾಹಿತಿ ನೀಡುವಂತೆ ಮನವಿ ಮಾಡಿದ್ದಾರೆ.

ವರದಿ ಶಶಿಕಾಂತ್ ಕೊರವರ್